2007年08月15日
(0)Dear阿仔，
今次既主題係……演唱會！唔使講，你都會知道所講既係邊個演唱會架啦~ 由一開始獲悉會有呢個SHOW，應該是去年的九月吧，坊間已經流傳東亞已經用阿女嘅名義BOOK咗07年5月嘅期。開心，但又感到好疑惑！因為好多人已經將04年嘅演唱會看作阿女既最後一個，之後阿女就會慢慢淡出樂壇過佢自己最理想既生活。先不說完美與否，之前已有五次前車之鑑，再做是次會是何等狀況？加上年幾嚟一D唔知係真定假嘅報道流言是是非非，阿女究竟身體精神狀況能唔能夠支撐到呢？到咗小師妹何詩既演唱會，叉足電嘅阿女小試牛刀，喺人家個舞臺上仍能搶到十分耀眼！我就知，正如你所料，不用擔心!
一踏入07年，由121開始，一連串嘅密集工作安排，也公開了五月嘅主題及確切時間！新年過後，大家都紛紛進入備戰狀態。而我，就準備獻出我既第一次‘排隊行動’，第一次為演唱會作出通宵排隊之創舉，此之目標日期為26/3。因為我有預感今次售票個勢一定好激烈，有見及此，我已預先將排隊日程提前兩周開始！雖然我所買既門票數量並不但多，但有份參與是次創舉的每位戰仕都安排適當嘅時間去守候崗位。
不過…… 估唔到，要我地做呢個創舉既經手人居然會係阿仔你!!! 阿仔，你令我哋搞成咁，米就係……因為唔知邊個居然晚晚hold起百幾張飛囉！怪唔知你話俾我聽，你唔使買飛啦~ 多謝晒你令到個勢咁“行“。但另一方面當我地知道既時候，我既第一反應係: “玩咩？！咁下年5月，你哋又會唔會要用呢招呢？“
終於到開SHOW嗰日啦，你都仲係繼續去promo呢個SHOW，周圍話俾人聽，呢個SHOW會好正好正……一早就知道你夠硬賣啦~ 由524嘅“明知等不到亦要等 還好有眼淚來陪襯……”，充滿歌聲 + 淚水之失眠夜，到525見到你出現既時候，我同在場記者喺心裡都出現咗“阿女等咗你8晚!”既想法。等咗足足8晚，你終於兌現咗你對我哋嘅承諾，唔使再煩到老豆。
晚上8時，知道你會出現，心中不明地很怕很怕……知道嗎？你的出現，令呢個演唱會完美，阿女的等待也不會成爲缺陷，望住你的眼神，睇得出你嘅著緊，你緊張佢！驚佢跌親（因爲你唔可以沖上台救佢）；驚佢出錯（因爲你知道嗰場SHOW佢係做俾你睇）…..但奈何，佢都前所未有地緊張，佢嘅演出比平時少了點妖豔風騷說話自如，但力量就絕對爆曬燈，猶如生猛嘅龍蝦~~
當阿女讀出嗰封信嘅時候，不知何解，你都流下男兒淚，我唔係你，我唔知道你當晚喊係爲咩而喊，我淨係記得你曾經講過：“如果你某日見到我喊，一定係爲咗感情事！” 阿仔！我知道你唔想我爲你而喊，但我嘅淚水充滿住對你哋嘅祝福與愛錫…..知道你會珍惜；知道你唔會令我失望；知道你會努力；更加知道你嘅勇氣仲喺度，係米？
加油啊！放膽去啦~
期待 819農曆七月七日的來臨!!
from mion
